انت بدوى ولا فواخيرى ولا متكونش مصرى ؟؟؟؟

مصيبة كبيرة بتهدد الاستقرار فى شمال سيناء عموما والعريش خصوصا
وهى النزعة القبلية وان كل واحد شايف نفسه احسن من التانى
العرب احسن من الفواخرية والفواخرية احسن من اولاد سليمان

والصبايحة الصغار احسن من الصبايحة الكبار والعرب بزابيز

والعرايشية فلاحين وابناء وادى النيل مصريين واللى فى سينا مش مصريين
وهاقولكم على قصتين شفتهم بعنيه الانين
كان لى صديق فى الاعدادية " بدون ذكر اسمه " وكنا نملاء استمارة الامتحان

وفى خانة الجنسية كتب " فواخيرى " 3 مدرسين قعدوا يفهموا فيه ربع ساعة ان هو مصرى مش فواخيرى

طفلين عمرهم خمس او ست سنوات اتقابلوا صدفه على باب محل بقالة خلف الساحة الشعبية

الطفلين ميعرفوش بعض وعايزين يتعرفوا
اول سؤال طلع من بق واحد فيهم " انت من عيلة ايه " مش اسمك ايه ولا انت ساكن فين

عارفين ده عمل ايه ولسه هيعمل ايه ؟؟
خلى كل واحد شايف انه احسن من التانى وانه صاحب البلد الاصلى وان الاخرين دخلاء عليهم

ده خلى الصراع اللى بيزيد يوم بعد يوم بين العرب والفواخرية اللى وصل الى ضرب النار والخطف
ارى فى سيناء قريبا حرب اهلية واقتتال عشائرى ذى اللى فى افغانستان ولبنان والعراق والصومال

او حتى ذى اللى بين فتح وحماس
"ولست بعلام الغيوب وانما ارى بلحاظ الراى ما هو واقع "

اغنية اللصيمة

غناء مصطفى حامد
اخراج وتصوير محمد ابراهيم

العريش .. اول نص ساعة مطر

هذه الصورة تم التقاطها يوم السبت 11/10/2008 بعد نذول المطر بحوالى نصف ساعة

المكان / شارع 23 يوليو امام مطعم عزيز

اذا لاحظت الصورة تجد ان منسوب الماء فى الشوارع قد وصل الى درجة تغطية عجل السيارة الهيونداى

واذا كان هذا هو الحال فى اول نصف ساعة مطر فما بالنا بالعواصف القادمة ،، اعتقد ان الماء سوف يرتفع الى منسوب اعلى من التاليتوار ومن المتوقع دخول الماء الى المحلات التجارية

والسؤال هل الوقت مجاش علشان يكون عندنا مصارف بجانب الطرق ذينا ذى اى مدينة محترمة